Monday, March 26, 2012

Mere ishq ki intehan hai ye

Mere ishq ki intehan hai ye
Sun lo meri sada ; tumse iltiza hai ye
Mar mita hoon tere chaand se chehre pe
Kya mere dil ki khata hai ye?
Gum ki parchhaiyon ke daayre me hai meri zindagi
Kya meri wafaon ka sila hai ye?
Kyon chheen li har wo cheez
jise chaha tha maine dil se
Apne khuda se mujhe bus gila hai ye

Jab saamne tum aa jati ho

Jab saamne tum aa jati ho
Dil pe ek khumaari si chha jati hai
Teri zulfon se tere aanchal se
Rut aur rangeen ho jati hai
Teri baatein teri har ek ada
Jeene ka armaan jagati hai
Tera sharmana aur muskurakar palken jhukana
Dil ki bechaini ko aur badhati hai

Tujhpe yun kabhi fida na hota

Tujhpe yun kabhi fida na hota
tujhse ye rishta kabhi na nibhata
na karta tujhpar har khushi kurban
agar mujhe tujhme Rub dikhai na deta

Zindagi ke har pal har lamhon ko tere naam kiya hai maine Koi bhi aisa waqt na bita jab tumhe na yaad kiya ho maine Hai agar meri ye khata to mujhe ma

Zindagi ke har pal har lamhon ko tere naam kiya hai maine
Koi bhi aisa waqt na bita jab tumhe na yaad kiya ho maine
Hai agar meri ye khata to mujhe maaf karna mere khuda
Kyonki tumhare siwa kisi aur ki bandagi ka gunaah kiya hai maine
Milegi tumse mujhe aansu ya hansi ye to muqaddar ki baat hai
Apno me bus tumhe hi shumaar kiya hai maine

Tumhe paana hai mujhe aaj nahi to kal

Tumhe paana hai mujhe aaj nahi to kal
Saath dena mera mere Humsafar
dukh ho ya sukh ho, paar karlenge har dagar
tere pyaar ke sahare kat jayega zindagi ka safar

Hum tere liye jogan ban jayenge

Hum tere liye jogan ban jayenge
meri duniya teri yaadon se sajayenge
phool naa mile to kya huya
kaanto se hi mann behlayenge

AB TO HAMESHA TERI YAAD SATATI HAI

AB TO HAMESHA TERI YAAD SATATI HAI
NA DIN MEIN CHAIN NA RATON KO NEEND AATI HAI
JAB SE MILA HOON BAS KHOYA RAHETA HOON TERI YAADON MEIN
KYUN HUMESHA DILKO TU JALAA JAATI HAI