Unse koyee shikvaa na shikaayat hee karenge

Unse koyee shikvaa na shikaayat hee karenge
Jeete hain ham to vo hee mere dil men rahenge

Kar len vo sitam laakh magar kuchh na kahenge
Pee lenge dard ham kabhee aansoo na bahenge

Khaamosh hai ye aarzoo DhaDkan hai boltee
Dil kaa ye geet aaj ham ab khud hee sunenge

Jab tak chalegee ssans ye jeelenge ham yoon hee
Kitne bhee gam milen, unhen rusvaa na karenge

Unkee ye berukhee to jaise Das rahee hamen
Par uf na karenge kabhee, aahen hee bharenge

Hardam rahen vo shaath yahee dil kee hai duaa
Mil jaaye khushee unko to ham kuchh bhee karenge