Wafa ke qaidkhano mein sazaein kab badalti hain

Wafa ke qaidkhano mein sazaein kab badalti hain
Badalta dil ka mausam hai hawaein kab badalti hain
Labadah odh ke gham ka nikal jate hain sehra ko
Jawab aye ke na aye sadaein kab badalti hain
Meri sari duaein tumse hi mansoob hain jana
Mohabbat ho agar sachchi duaein kab badalti hain
Koi pa kar nibhata hai, koi kho kar nibhata hai
Naye andaz hote hain wafaein kab badalti hain
Gunahoon ko humara ek hi MAALIK bakhshta hai
Adaa uski purani hai khataein kab badalti hain