Nazar mein Zulmat, badan mein thandak

Nazar mein Zulmat, badan mein thandak
Jamal kitna ajeeb sa tha
Main uski chahat mein ghar se nikla
to Haal kitna ajeeb sa Tha
Na maine usko khatoot likhe
na usne meri panah chahi
ye dono ko apni bekhudi pe
malal kitna ajeeb sa tha
wo apni raton mein chand dekhe
main apni raton mein usko sochun
badalte lamhon mein soch ka ye
visaal kitna ajeeb sa tha
safar akele hi kaat loge
jo maine pucha to ro diya wo
jawab kitna ajeeb sa tha
sawal kitna ajeeb sa tha